Vaqif Sadıqov: “Qarabağ” yox, “Lex” düşünsün”

İDMAN

14 Iyun 2022 | 16:56

266 dəfə oxunub

“Qarabağ” nə qədər güclü rəqiblə düşür-düşsün, avrokuboklarda ən yaxşı oyunlarını keçirir. Bu gün çempionumuz o səviyyədədir ki, rəqib seçməyə ehtiyacı yoxdur”.

Bunu apasport.az saytına açıqlamasında AFFA Məşqçilər Komitəsinin sədri Vaqif Sadıqov Çempionlar Liqasının I təsnifat mərhələsinin püşkatmasını dəyərləndirərkən deyib.63 yaşlı mütəxəssis Azərbaycan çempionunun ilk dueldə “Lex”ə rəqib olmasından narahatlıq keçirmir. Təcrübəli məşqçi Ağdam təmsilçisinin bu səddi keçəcəyinə əmindir: “Qarabağ”ın gücünə inanırıq, onlar da həm daxili çempionatda, həm də avrokuboklarda bunu sübut etməyi bacarıb. “Qarabağ” rəqibin kimliyindən asılı olmayaraq, həmişə öz simasını qoruyub saxlayır. Püşkatmadan əvvəl ola bilsin ki, ayrı rəqib gözləyirdik. Əminəm ki, “Qarabağ” “Lex”lə matçlarda da azarkeşlərini sevindirəcək”.

Vaqif Sadıqov hesab edir ki, püşkün nəticəsindən “Qarabağ” yox, “Lex” narahat olmalıdır: “İki il əvvəl “Legiya” Polşa çempionu olanda “Qarabağ” onları Varşavada 3:0 məğlub etmişdi. Düşünürəm ki, təmsilçimiz üçün indi yalnız ad dəyişib. Rəqib yenə Polşa çempionudur. Yəni “Qarabağ” yox, “Lex” düşünsün. Çünki püşkatmada ən güclü komandalardan birinə rəqib olublar”.

Qeyd edək ki, Çempionlar Liqasında I təsnifat mərhələsinin ilk oyunları iyulun 5-6-da, cavab görüşləri isə 12-13-də keçiriləcək.



SON XƏBƏRLƏR

27 Iyun 2022
25 Iyun 2022
24 Iyun 2022
23 Iyun 2022
22 Iyun 2022
21 Iyun 2022
20 Iyun 2022
17 Iyun 2022
15 Iyun 2022
14 Iyun 2022