Tailandda idman meydançasının damının uçması nəticəsində 7 tələbə həlak olub.
REYD xəbər verir ki, bu barədə “The Bangkok Post” məlumat yayıb.
Məlumatda qeyd olunub ki, Phiçit əyalətində baş vermiş hadisə nəticəsində 18 nəfər də xəsarət alıb. Xəsarət alanlar yaxınlıqdakı xəstəxanalara çatdırılıb.
Baş vermiş faciəyə səbəb kimi güclü küləklə müşayiət olunan leysan göstərilib. Bundan əlavə, əyalətin bir sıra rayonlarında güclü külək bir neçə evin damını uçurub.