Sizin reklam burada
Birol Akgün TÜİB-in ofisini ziyarət edib
Türkiyə Respublikasının Azərbaycandakı Fövqəladə və Səlahiyyətli Səfiri cənab Birol Akgün, səfirliyin Ticarət Başmüşavirləri Murat Yaman və Nevzat Bozkurt ilə birlikdə Türkiyə-Azərbaycan İş Adamları və Sənayeçilər Birliyinin (TÜİB) ofisini ziyarət edib.
Liderxeber.az xəbər verir ki, görüş zamanı TÜİB-in fəaliyyəti, qarşıdakı dövr üçün nəzərdə tutulan layihə və təşəbbüslər, eləcə də Türkiyə-Azərbaycan iqtisadi və işgüzar əlaqələrinin daha da inkişaf etdirilməsi istiqamətində görüləcək işlər barədə fikir mübadiləsi aparılıb.
TÜİB-in İdarə Heyətinin sədri Hüseyin Büyükfırat və Baş katib Nedim Kaya tərəfindən Səfir Birol Akgünə Birliyin gələcək dövr üzrə fəaliyyət planı və prioritet istiqamətləri haqqında məlumat verilib.
Görüş qarşılıqlı əməkdaşlığın daha da gücləndirilməsi və iki ölkənin iş dünyası arasında əlaqələrin inkişaf etdirilməsi baxımından faydalı fikir mübadiləsi ilə yadda qalıb.
