Coca-Cola-nın rəsmi nümayəndəsi Elşad Fərzəliyevə ““ASAN xidmət” ilə səmərəli əməkdaşlığa görə” Azərbaycan Respublikasının medalı təqdim edilib.

Şirkətin Avrasiya ölkələri üzrə İctimaiyyətlə Əlaqələr Direktoru olan Elşad Fərzəliyevə medal Coca-Cola və “ASAN xidmət” arasında sosial, humanitar və ekoloji layihələr üzrə geniş əməkdaşlığın qurulmasındakı xüsusi roluna görə təqdim edilib.

Belə ki, Coca‑Cola şirkəti  “ASAN xidmət” və "ASAN Könüllüləri" Təşkilatı ilə 2016-ci ildən etibarən bir neçə istiqamətdə əməkdaşlıq edir. Bu əməkdaşlıq çərçivəsində ölkəmizdə ekoloji durumun yaxşılaşdırılmasına, qadınlarının məşğulluq potensialının gücləndirilməsinə,  gənclərin sahibkarlıq təşəbbüslərinə, COVID-19 pandemiyası ilə mübarizəyə dəstək məqsədilə çoxsaylı layihələr həyata keçirilib.

Elşad Fərzəliyev bu əməkdaşlığın yüksək qiymətləndirilməsindən məmnunluğunu ifadə edib və Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinə (ASAN xidmət) təşəkkürünü bildirib: “ASAN Xidmətin və ASAN könüllülərinin Coca-Cola ilə tərəfdaşlığı çox uğurla inkişaf etməkdədir.

Biz 5 ildən çoxdur ki, Azərbaycan cəmiyyətinin sosial və ekoloji rifahının inkişafı üçün birgə çalışırıq. Həyata keçirdiyimiz layihələrdə ümumilikdə 10 mindən çox insana töhfə verə bilmişik. Layihələrimizin miqyası paytaxt və regionları əhatə edir. İnanıram ki, birgə əməkdaşlığımız bundan sonra da uğurla davam edəcək”.

Coca-Cola rəsmisi Elşad Fərzəliyevə medalı Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin (ASAN xidmət) yaradılmasının 11 illiyinə həsr olunmuş tədbirdə Agentliyin sədri Ülvi Mehdiyev təqdim edib.
Coca-Cola-nın Azərbaycanda həyata keçirdiyi layihələr barədə daha ətraflı məlumatla tanış olmaq üçün www.coca-cola.az  saytına keçid edə bilərsiniz.

Qeyd edək ki, ““ASAN xidmət” ilə səmərəli əməkdaşlığa görə” Azərbaycan Respublikasının medalı 2022-ci il 20 dekabrda prezident İlham Əliyevin imzaladığı Qanunla təsis edilib. Medal ilə “ASAN xidmət”in fəaliyyət istiqamətləri üzrə səmərəli əməkdaşlıq edən, bu sahədə mühüm layihələrin hazırlanmasında və həyata keçirilməsində fəal iştirak edən şəxslər, habelə həmin sahədə xüsusi xidmətlərə görə Azərbaycan Respublikasının və xarici ölkələrin dövlət və digər qurumlarının, beynəlxalq təşkilatların nümayəndələri təltif edilirlər.