Coca-Cola Azərbaycan “Nargis” Fondunun təşəbbüsü ilə ilk dəfə həyata keçirilən “YayLand Fest” xeyriyyə yarmarkasının tərəfdaşıdır.

Coca‑Cola Azərbaycanın yarmarkada quraşdırdığı üzərində şəhərimizin görüntüləri əks olunmuş ikonik Coca-Cola şüşəsi instalyasiyası qonaqların marağını cəlb edir. Həmçinin şirkətin burada yerli rəssamın çəkdiyi, özündə Bakının əsas elementləri və musiqi simvollarını əks etdirən foto zonası da tədbirə əlavə rəng qatır.

Coca-Cola şirkətinin Qafqaz və Mərkəzi Asiya ölkələri üzrə İctimaiyyətlə Əlaqələr və Kommunikasiya direktoru Elşad Fərzəliyev şirkətin ölkədə sosial layihələrə daim dəstək olduğunu bildirib:

“Coca-Cola fəaliyyət göstərdiyi ölkələrdə sosial təşəbbüsləri dəstəkləyir. Yay aylarında insanların əylənməsi və istirahəti üçün şəhərin mərkəzində belə maraqlı yarmarka təşkil olunub. Xeyriyyə məqsədi ilə keçirilməsi isə layihəyə xüsusi məna qatır. Sevindirici haldır ki, qonaqlar Coca-Cola Azərbaycanın yarmarkada hazırladığı foto zonada və instalyasiyamızın ətrafında şəkillər çəkdirərək bu festivalı unudulmaz edirlər”.

Şəhərin mərkəzində - Fəvvarələr meydanında qonaqlara yay əhvali-ruhiyyəsi bağışlayan yarmarka iyun ayının 15-nə qədər davam edəcək. Yarmarkanın sonunda əldə edilən gəlir xeyriyyə məqsədilə sərf ediləcək.

Qeyd edək ki, Coca-Cola Azərbaycan ölkədə həyata keçirilən sosial layihələrə dəstək olur, müxtəlif təşəbbüslərə qoşulur. Şirkət uzun illərdir keçirilən “Soyuq əllər, isti ürək” xeyriyyə yarmarkasının da 2017-ci ildən etibarən baş sponsorudur.

Xatırladaq ki, dünyanın ən nüfuzlu şirkətlərindən olan Coca Cola Azərbaycanda 1994-cü ildən etibarən fəaliyyət göstərir.

Coca-Cola Azərbaycan haqqında daha ətraflı məlumat coca-cola.az saytındadır.