Bu ilin yanvar-aprel aylarında Azərbaycana 15 min 530 ton ət idxal olunub.

Liderxeber.az Dövlət Gömrük Komitəsinə istinadən xəbər verir ki, ölkəyə gətirilən ətin dəyəri 37 milyon 297 min ABŞ dolları təşkil edib.

Məlumata əsasən, ötən ilin eyni dövrü ilə müqayisədə idxal həcmi 1 131 ton (6.7%) azalsa da, dəyər 3 milyon 283 min dollar (9.6%) artıb.

Hesabat dövründə ət idxalına çəkilən xərclər Azərbaycanın ümumi idxal xərclərinin 0.6%-nə bərabər olub.

Qeyd edək ki, bu ilin yanvar-aprel aylarında Azərbaycanın xarici ticarət dövriyyəsi 17 milyard 403 milyon ABŞ dolları təşkil edib. Bunun 11 milyard 879 milyon dolları ixracın, 5 milyard 525 milyon dolları isə idxalın payına düşüb.

Son bir ildə ixrac 35.2 %, idxal isə 32.1 % azalıb.