“Dövlət hakimiyyəti insan hüquqları ilə məhdudlaşır. İnsan hüquq və azadlıqlarına münasibətdə yenə mütləqlikdən danışa bilərik”.

Liderxeber.az xəbər verir ki, bunu DTX-nin Heydər Əliyev adına Akademiyasının rəisi Elşad Nəsirov Milli Məclisin Hüquq siyasəti və dövlət quruculuğu komitəsinin “Ümummilli lider Heydər Əliyev müstəqil Azərbaycan Konstitusiyasının müəllifidir” mövzusunda keçirdiyi elmi-praktik konfransda bildirib.

“Mənim azadlığım ora qədərdir ki, orada sənin azadlığın başlayır. İnsan hüquq və azadlıqları cəmiyyətin və digərlərinin hüquq və azadlıqları ilə məhdudlaşır. 4-cü nəsil konstitusiyalar içərisində Azərbaycan Konstitusiyasını digər konstitusiyalarla qarşılıqlı müqayisə edəndə görürük ki, istənilən sahədə kifayət qədər təkmil konstitusiyadır. 

Tələbələr sual verirdilər, necə oldu ki, ABŞ Konstitusiyası 1787-ci ildə qəbul edilib və bu günə kimi həmin Konstitusiyaya sadəcə 27 əlavə edilib. Bu əlavələrdən də ilk 10-u 1790-ci illərdə qəbul olunub. Yerdə qalan 17 əlavənin isə bir neçəsi o qədər də önəmli deyil. Bu qədər müddət ərzində ABŞ Konstitusiyasına 27 əlavə edilib, amma Azərbaycan Konstitusiyası bu qədər çox dəyişikliyə məruz qalıb. Əslində götürəndə biz Azərbaycanın müstəqillikdən bu tərəfə olan dövrünə nəzər salsaq, Konstitusiya qəbul olunandan bu yana ölkəmizin keçdiyi inkişaf yolu Avropa dövlətləri və ABŞ-nin vaxtilə 100 ilə keçdiyi inkişaf yoluna bərabərdir. Azərbaycanın bu iki onilliyi həmin dövlətlərin 100 illik inkişaf dövrünə bərabərdir.

Proporsional sistem demokratiyanın yaranmasına siyasi hakimiyyətin xalqdan, seçicidən ayrılmasına önəm verən sistemdir. Zaman gələ bilər, müəyyən dövr yetişə bilər ki, biz proporsional sistemə yenidən qayıda bilərik. Amma bu günün tələbi məhz majoritar sistemə keçidlə bağlı idi”, - deyə Elşad Nəsirov qeyd edib.