Azərbaycan və Lüksemburq arasında konsulluq məsləhətləşmələri keçirilib.

Liderxeber.az xəbər verir ki, bu barədə Lüksemburq XİN-in Konsulluq Məsələləri və Beynəlxalq Mədəniyyət Əlaqələri üzrə direktor Jan Klod Kuqener "X" hesabında bildirib. “Azərbaycan XİN-də keçirilən ikitərəfli Lüksemburq-Azərbaycan Konsulluq Məsləhətləşmələrimiz üçün Bakıda olmaqdan məmnunam”, - o qeyd edib.

Azərbaycan tərəfindən məsləhətləşmələrdə XİN-in Konsulluq İdarəsinin rəisi Emil Səfərov iştirak edib.

Lüksemburq XİN rəsmisi vurğulayıb ki, iki ölkə arasında konsulluq əməkdaşlığına dair səmərəli müzakirələr aparılıb.