“İdman zallarında steoridlərin gizli şəkildə yayılması məsələsi vacibdir”.

Liderxeber.az xəbər verir ki, bunu deputat Mircəlil Qasımlı Milli Məclisin Gənclər və idman komitəsinin bu gün keçirilən iclasında bildirib.

“Bu, payız sessiyası və qarşıdakı bütün sessiyalarda ciddi şəkildə müzakirə olunmalıdır. Çünki gənclərimizin gələcəyi böyük təhlükə altındadır. Bəziləri “yaxşı” nəticə əldə etmək üçün gəncləri sterodilərə təşviq edirlər. Təəssüflər olsun ki, bunun gələcəkdəki nəticələri necə olacaq bəlli deyil”, - deputat qeyd edib.

Sosial qanunvericilik şöbəsinin müdiri Adil Vəliyev deputatın fikirlərinə münasibət bildirib: “Dopinqlə mübarizə bu gün olduqca aktualdır. Bu sahədə hüquqi müstəvidə ciddi addım atılmalıdır. Biz bununla bağlı müvafiq qurumun mütəxəssisləri ilə onlayn görüş təşkil etmişik. Qısa müddət ərzində bir sıra dəyişikliyi komitəyə təqdim edəcəyik”.