Məlum olduğu kimi, Prezident İlham Əliyevin 2020-ci il dekabrın 3-də imzaladığı "Azərbaycan Respublikasında Zəfər Gününün təsis edilməsi haqqında" sərəncama əsasən 8 Noyabr Azərbaycanda Zəfər Günü kimi qeyd olunur.

Zəfər Günü ərəfəsində məhkum edilmiş bir sıra şəxslərin əfv edilməsi ilə bağlı Prezident Sərəncamının olacağı barədə iddialar var.

Milli Məclisin İnsan hüquqları komitəsinin sədri Zahid Oruc LiderXəbər-ə açıqlamasında bildirdi ki, hələ ki, dövlət başçısı tərəfindən əfv sərəncamı verilməyib.

"Prezident Yanında Əfv Komissiyası bununla bağlı müraciətlərə baxır və müvafiq siyahı dövlət başçısına təqdim olunur" - deputat qeyd etdi.

Z.Orucun sözlərinə görə, bu il Zəfər Günündə əfv sərəncamının imzalanması istisna edilmir. Azərbaycan xalqının Zəfər Günündə əfv sərəncamının imzalanması humanist addım kimi təqdirəlayiq hesab edilə bilər.