Mükafatlar on nominasiya üzrə, il ərzində aktiv fəaliyyət göstərən şəxslərinə təqdim edilib.

Liderxeber.az xəbər verir ki, tədbirdə ictimaiyyət nümayəndələri, müəllimlər, bələdiyyə üzvləri, jurnalistlər, ziyalılar, din xadimləri və gənclər, həmçinin Bolnisi məhkəməsinin sədri Giorgi Qratiaşvili, hakimlər Nino Jojua, Devi Devidze, Ketevan Sturua və Vladimir Tusitlauri, Marneuli, Bolnisi, Ağbulaq və Calka rayonları üzrə Prokrorlar Giorgi Mekvabidze, Tornike Kapanadze və Aleksandr Andquladze də iştirak ediblər.  

Mərasimə başlamazdan əvvəl Azərbaycana başsağlığı ünvanlanıb, təyyarə qəzası ilə əlaqədar həyatını itirənlərin xatirəsi bir dəqiqəlik sükutla yad edilib.

Mükafatlar, əsasən Gürcüstan azərbaycanlılarını mərkəzi və beynəlxalq tədbirlərdə təmsil edən şəxslərə verilib. Bu mükafatların icma üzvləri arasında aktivliyi artırmaq məqsədi daşıdığı vurğulanıb. 

Tədbirdə çıxış edən digər qonaqlar, bu cür nominasiyaların Gürcüstan azərbaycanlılarının cəmiyyətə inteqrasiyasına və sahələrində daha aktiv olmalarına stimul olacağını qeyd ediblər. Tədbirin sonunda, ilin ən aktiv nümayəndələrinə mükafatlar təqdim edilib.

İlin mükafatına layiq görülənlər arasında:

 • İlin sazbəndi nominasiyası: Bəfalı Adıgözəlov

 • İlin xanım patrul polis nominasiyası: Səbinə Yusubova

 • İlin jurnalisti nominasiyası: Ramilə Əliyeva (İctimai Televiziya)

 • İlin mədəniyyət işçisi nominasiyası: Leyla Əliyeva (M.F. Axundzadə adına Azərbaycan Mədəniyyəti Muzeyinin rəhbəri)

 • İlin həkimi nominasiyası: Zeynəb Gərəkova (göz həkimi)

 • İlin məhkəmə əməkdaşı nominasiyası: Ramin Axundov

 • İlin xeyriyyəçi iş adamı nominasiyası: Anar Piriyev

 • İlin aktiv müəllimi nominasiyası: Elvir Həsənoğlu

 • İlin proqramisti nominasiyası: Elmar Məmmədov

 • İlin ictimai aktivisti nominasiyası: Rəşan Ziyadəliyev

Bu mükafatlar, Gürcüstanda fəaliyyət göstərən azərbaycanlıların müxtəlif sahələrdəki uğurlarını və ictimaiyyətdəki fəallığını artırmaq məqsədi daşıyır.