Tehranın Hind okeanında, İrandan 4 000 kilometr məsafədə yerləşən Dieqo-Qarsiya adasında yerləşən hərbi bazaya zərbə endirmək cəhdindən sonra Böyük Britaniyanın İranın ballistik raketləri qarşısında müdafiəsiz qaldığı bildirilib.

Liderxeber.az xəbər verir ki, bu barədə "The Telegraph" britaniyalı mənbələrə istinadən məlumat yayıb.

Məlumata görə, ölkənin hava hücumundan müdafiə sistemləri belə raketləri ələ keçirməkdə çətinlik çəkir. Müdafiə sahəsindəki mənbələrdən biri vəziyyəti Britaniya üçün "dəhşətli" adlandıraraq, ölkənin ballistik raketlərə qarşı mübarizə bacarıqlarının çox aşağı səviyyədə olduğunu deyib.

Qəzetin yazdığına görə, Böyük Britaniyanın ballistik raketlərə qarşı yeganə müdafiə xətti altı ədəd hərbi gəmidən ibarətdir. Bununla belə, onların əhəmiyyətli hissəsi hazırda limanda olduğundan, ölkənin bu məsələdə NATO müttəfiqlərinin dəstəyinə ehtiyac duyacağı vurğulanır.