Birləşmiş Ərəb Əmirlikləri İranın cavab hücumları fonunda hava məkanında yaranan fasilələr səbəbilə 60 uçuşla ümumilikdə 17 min 498 sərnişinin təxliyə edildiyini açıqlayıb.

Liderxeber.az xəbər verir ki, bunu BƏƏ-nin iqtisadiyyat və turizm naziri Abdullah bin Tuq Əl-Mərri digər hökumət rəsmiləri ilə keçirdiyi mətbuat konfransında bildirib.

Onun sözlərinə görə, bölgədəki son vəziyyət səbəbindən hava limanlarında yaranan fasilələrdən zərər çəkən sərnişinlər üçün xüsusi reyslər təşkil olunub.

Nazir deyib ki, ilkin mərhələdə 60 uçuş həyata keçirilib və bu uçuşlarla 17 min 498 nəfər təxliyə edilib.

Mərri əlavə edib ki, 80-dən çox uçuşla 27 mindən artıq sərnişinin təxliyəsi planlaşdırılır.