Rusiya və İranın xarici işlər nazirləri Sergey Lavrovla Abbas Araqçı arasında telefon danışığı olub.

Liderxeber.az xəbər verir ki, bu barədə Rusiya Xarici İşlər Nazirliyinin Mətbuat xidməti məlumat yayıb.

Telefon danışığı zamanı tərəflər fevralın 17-də Cenevrədə baş tutan ABŞ-İran təmaslarının nəticələrini nəzərə alaraq İranın nüvə proqramı ətrafında yaranmış vəziyyəti müzakirə ediblər.

Rusiya İranın qanuni hüquqlarına hörmət edilməklə ədalətli siyasi-diplomatik həll yolu axtarışına yönəlmiş danışıqlar prosesinə dəstəyini ifadə edib.

Bundan əlavə, söhbət zamanı qarşılıqlı maraq doğuran ayrı-ayrı məsələlərə toxunulub.