Rusiyanın Krasnoyarsk şəhərindən Bakıya uçan sərnişin təyyarəsində texniki nasazlıq yaranıb. 

Liderxeber.az Krasnoyarskın “TVK” kanalına istinadən xəbər verir ki, “İrAero” aviaşirkətinə məxsus təyyarə kondisioner sistemində yaranan nasazlıq aradan qaldırılsa da, uçuşu reallaşdıra bilməyib.

Sərnişinlərin sözlərinə görə, onları təmir zamanı hava limanında təqribən 2 saat gözlədiblər. Bundan sonra təyyarə uçuş-enmə zolağına daxil olsa da, yenə də havaya qalxa bilməyib. 

Nəticədə sərnişinlər arasında panika yaranıb. Son nəticədə problem aradan qaldırılıb. Amma 22 sərnişin həmin təyyarə ilə uçmaqdan imtina edib.