"Daha yüksək təhsil səviyyəsinə malik insanlar orta hesabla daha uzun ömür sürürlər. Onlarda xroniki xəstəliklərin ağır formalarına daha az rast gəlinir".

Liderxeber.az xəbər verir ki, bunu Gazeta.ru-ya rusiyalı nevroloq Qalina Çudinskaya bildirib.

Həkim qeyd edib: "Nəyisə öyrənəndə, sınayanda və yenidən dərk edəndə beynimiz neyronlar arasındakı əlaqələri fiziki olaraq yenidən qurur. Bu dəyişikliklər uşaqlıqda xüsusilə intensivdir, lakin tədqiqatlar göstərir ki, beyin yetkin və yaşlı dövrdə də öyrənməyə qadirdir.

Təhsil həmçinin daha yüksək gəlir və tibb xidmətlərinə çıxış imkanını artırır, informasiyaya tənqidi yanaşma vərdişi formalaşdırır".

Mütəxəssisin sözlərinə görə, hər yeni dil öyrənmək, kurs keçmək, peşə və ya hobbi ilə məşğul olmaq beyində şəbəkələri yenidən qurmaq, əlaqələri möhkəmləndirmək və koqnitiv funksiyaların yaşla bağlı azalmasını təxirə salmaq imkanı yaradır.