Terapevt, tibb elmləri namizədi Andrey Kondraxin güclü soyuqlamadan sonra düzgün isinməyin yolları barədə danışıb.

Liderxeber.az aif.ru-ya istinadən xəbər verir ki, həkimin sözlərinə görə, ən effektiv üsul "istinin istiyə təması"dır.

"Babalarımızdan qalma, köhnə və sınaqdan çıxmış üsul var. İsinmək üçün yanınızda başqa bir insan olmalıdır. Alternativ olaraq heyvan da kömək edə bilər - it və ya pişik", - deyə Kondraxin bildirib.

Əgər bu imkan yoxdursa, mütəxəssis maddələr mübadiləsini isti içkilərlə aktivləşdirməyi tövsiyə edir. Onun sözlərinə görə, isti su, bulyon və ya mors bu baxımdan uyğun seçimdir. Bununla yanaşı, həkim çay və qəhvə içməkdən çəkinməyi məsləhət görüb. O bildirib ki, bu içkilər ürək döyüntülərinin tezliyini artırır və damarlar spazm vəziyyətində olduqda ürəyin fəaliyyətini çətinləşdirir.

Andrey Kondraxin güclü soyuqlamadan dərhal sonra isti vanna qəbul etməyin də təhlükəli ola biləcəyinə diqqət çəkib.

"Temperaturun kəskin dəyişməsi ürək-damar sistemi üçün ciddi yük yarada bilər. Əvvəlcə isinmək lazımdır - bir müddət oturmaq və ya uzanmaq, orqanizmə "ərimək" imkanı vermək, yalnız bundan sonra vanna qəbul etmək olar", - deyə həkim vurğulayıb.