Baş Dövlət Yol Polisi İdarəsi yol hərəkəti iştirakçılarına təbrik və tövsiyə xarakterli müraciət ünvanlayıb.

Liderxeber.az xəbər verir ki, müraciətdə deyilir:

“Hörmətli yol hərəkəti iştirakçıları!

Baş Dövlət Yol Polisi İdarəsi sizi Yeni il və Dünya Azərbaycanlılarının Həmrəyliyi Günü münasibətilə səmimi-qəlbdən təbrik edir.

Bayram günlərində yollarda hərəkət intensivliyinin artdığını nəzərə alaraq hər kəsi daha diqqətli və məsuliyyətli olmağa çağırırıq. Sürət həddinə əməl edin, sükan arxasında diqqəti yayındıran amillərdən uzaq durun, yol hərəkəti qaydalarına ciddi riayət edin.

Unutmayaq ki, bayram sevinci yalnız təhlükəsiz şəkildə mənzil başına çatdıqda tamamlanır.

Bayramınız mübarək, yollarınız açıq və təhlükəsiz olsun!”