Liderxeber.az-ın "Necə olmalıdır?" rubrikasının yeni buraxılışı yayımlanıb.

Bu dəfə paytaxtın Məhəmməd Hadi küçəsində müşahidə olunan nəqliyyat problemi diqqətə çatdırılıb.

Bildirilib ki, küçənin Babək prospektinə yaxın hissəsində, metronun "Əhmədli" stansiyası istiqamətində günün müxtəlif saatlarında ciddi sıxlıq yaranır.

Qeyd olunub ki, sıxlığın əsas səbəbi düz istiqamətdə hərəkət edən nəqliyyat vasitələrinin çoxluğu və bunun fonunda üç hərəkət zolağından birinin yalnız sola dönüş üçün ayrılması, digərinin isə ictimai nəqliyyat üçün nəzərdə tutulmasıdır.

Sakinlərin şikayətlərinə görə, ərazidə yaranan sıxlıq avtomobillərin tez-tez siqnal verməsinə səbəb olur və bu hal ətrafda yaşayanların narahatlığına yol açır.

Əlavə edilib ki, avtobus zolağının döngədən dərhal sonra başlaması və işıqforun buraxıcılıq qabiliyyətinin aşağı olması sıxlığın artmasına təsir göstərən amillər sırasındadır.

Daha ətraflı videomaterialda: