Moskvanın və Rusiyanın digər böyük şəhərlərinin əhalisinin tərkibində azərbaycanlıların sayı artıb.

Liderxeber.az mk.ru-ya istinadən xəbər verir ki, bu barədə Moskvada keçirilən "Genetika-2025" elmi-praktik konfransında məlumat verilib.

Bildirilib ki, Moskva əhalisinin tərkibində slavyan xalqlarının nisbəti getdikcə azalıb.

Mütəxəssislərin fikrincə, miqrantların aktiv axını paytaxtın genofondunun strukturuna təsir edib və yerli etnik qrupların nümayəndələrinin sayının tədricən azalmasına gətirib çıxarıb.

Oxşar proseslər Rusiyanın bir milyondan çox əhalisi olan digər böyük şəhərlərində də baş verib.

Qeyd olunub ki, Rusiyada əcnəbi miqrantlar daha çox doğum əmsalı nümayiş etdirirlər.

Tədqiqatçılar müxtəlif etnik qruplar arasında doğum əmsalını göstərən xəritə tərtib edərək belə nəticəyə gəliblər ki, ən yüksək göstəricilər Özbəkistan, Azərbaycan və Ermənistandan olan mühacir ailələrdə müşahidə olunur.

Ekspertlər hesab edirlər ki, doğum nisbətlərindəki bu fərqlər son nəticədə Rusiya əhalisinin etnik və dini tərkibinə təsir göstərə bilər.