Feyxoa Azərbaycanda bitən əvəzsiz nemətdir. Bizə əlçatan olduğu üçün özümüzü xoşbəxt hesab edə bilərik.

Liderxeber.az xəbər verir ki, tərkibi unikal olan bu meyvə bütün bədən, orqanizm üçün faydalıdır.

Çoxları elə bilir ki, o sadəcə təzyiq və zob xəstələri üçün vacibdir, yodla zəngindir.

Hansı xəstələr feyxoanı bol yeməlidir?

1. Qəbizliyə qarşı, həzm, mədə-bağırsaq problemləri

Feyxoanın ləti liflərlə zəngin olduğu üçün bağırsaqların peristaltikasını artırır, mədə şirəsini hasilini tənzimləyir. Qəbizliyə qarşı ideal meyvədir. Eləcə də yoğun və düz bağırsaq şişləri ilə mübarizə aparır. Bir fincan feyxoada 16 qr lif vardır, bu da qarında köpmə, həzmsizlik üçün faydalıdır.

2. Ürək-damar xəstəlikləri, xolesterin, yüksək təzyiqdə

Feyxoa hipertenziya riskini azaldır. Damarları rahatladır, boşaldır, təzyiqi normallaşdırır. Eləcə də, feyxoada olan C, B6 vitamini ürəyin işi üçün vacibdir. Gün ərzində bir iki ovuc feyxoa yemək bu dozanı ödəyir, infarkt, ürəyin işemik xəstəliklərinə qarşı təsirlidir.

3. İnfeksiyalarla mübarizə aparır

Gündə cəmi 3 ədəd feyxoa yemək kifayətdir ki, immunitetə infeksiyalarla mübarizədə dəstək verəsiniz. C vitamini antioksidantdır, bu da antivirus və kanserogen təsiri ilə məşhurdur.

4. Sinir sistemini möhkəmlədir

Feyxoada olan folat və fol turşusu Alzeimer kimi əqli xəstəliyin qarşısını alır. Feyxoa beyin qan dövranını yaxşılaşdırır, yaddaşı gücləndirir, koqnitiv və neyron aktivliyi artırır.

5. Hamilələr üçün çox vacibdir

Feyxoada olan fol turşusu dölün yaxşı inkişafı, beyni üçün vacibdir. Hamilələrdə zob, anemiya problemlərini də həll edir, hemoqlobini qaldırır.

6. Əməliyyatdan sonra travma və yaraları tez sağaldır

Feyxoa qəribə tərkibi ilə toxumaların, bağların bərpasını sürətləndirir. Ona görə qəzalar, travmalar, zədələr, yaralar, əməliyyatdan sonra bərpa üçün doğmalarınıza bol feyxoa verin.

7. Xərçəngdən qoruyur

Orqan, toxumaların hüceyrələrini saf oksigenlə təmin edən bu meyvə sərbəst radikalları zərərsizləşdirir, stresin izlərini silir, xərşəng hüceyrələrinin baş qaldırmasına imkan vermir, sizi onkologiyanın bəlasından qoruyacaq.

8. Dəri üçün cavanlıq, gözəllik mənbəyidir

Yaşıl meyvələri dəriyə maska olunduqda, nəmləndirir, dəri iltihanı, qaşıntı, səpkini aradan qaldırır, dərini cavanlaşdırır, bərkidir.

9. Qalxanvari vəz xəstəlikləri, yod çatışmazlığı

Bəzən səhvən bütün zob xəstələri feyxoadan istifadə edir. Qalxanvari vəzin aktiv böyüməsində yod çox olmaz. Amma elə hormonal disbalans var ki, orda feyxoa lazımdır.

10. Prostatit və impotensiyaya qarşı

Kişilər üçün əvəzsizdir, çünki cinsi fəaliyyəti yaxşılaşdırır, prostat vəzi qoruyur və sonsuzluğa qarşı faydalıdır.