Nizami Rayon Polis İdarəsi 23-cü Polis Bölməsinin rəisi, polis polkovnik-leytenantı Emin Çələbiyev vəzifədən azad edilib.

LiderXəbər-in əldə etdiyi məlumata görə, bu barədə daxili işlər naziri Vilayət Eyvazov əmr imzalayıb. E.Çələbiyev işdən çıxarılaraq sərəncama götürülüb, onun yerinə hələlik təyinat yoxdur.

Qeyd edək ki, daha əvvəl Quba RPŞ-nin Narkotiklərlə Mübarizə Bölməsinin rəisi vəzifəsində çalışmış E.Çələbiyev 2017-ci ildən 23-cü PB-yə rəhbərlik edirdi.