Xəbər verdiyimiz kimi, prezidentin sərəncamı ilə Firdovsi Əliyev Samux Rayon İcra Hakimiyyətinin başçısı təyin edilib.

LiderXəbər xəbər verir ki, 1961-ci il təvəllüdlü F.Əliyev kənd təsərrüfatı elmləri namizədidir və 2000-ci ildə Bakı Dövlət Universitetinin hüquq fakültəsini bitirib.

1995–2000-ci illərdə Milli Məclisinin deputatı olub. 2002-ci ildə Ekologiya və Təbii Sərvətlər Nazirliyində Ekoloji Siyasət İdarəsinin rəisi və 2003-cü ildə Ekspertiza İdarəsinin rəisi işləyib.

O, 2004-cü ildə Ekologiya və Təbii Sərvətlər Nazirinin müavini təyin edilib. Bu ilin martında həmin vəzifədən azad edilib. Yeni təyinatadək F.Əliyev fəaliyyətini ekologiya və təbii sərvətlər nazirinin müşaviri kimi davam etdirirdi.