Neftçala Rayon İcra Hakimiyyətinin başçısı Qazaxbərəsi kənd sakinləri ilə səyyar görüş keçirib.
 
Vətəndaş qəbulunda Neftçala Rayon İcra Hakimiyyətinin başçısı Mirhəsən Seyidov, RİH-in məsul şəxsləri, hüquq- mühafizə orqanlarının, idarə, müəssisə və təşkilatların rəhbərləri, şəhid ailələri, qazilər və kənd sakinləri iştirak ediblər.
 
İlk öncə, Ulu Öndər Heydər Əliyevin və Azərbaycan Respublikasının ərazi bütövlüyünün, müstəqilliyinin, konstitusiya quruluşunun müdafiəsi zamanı şəhid olan hərbi qulluqçuların ruhu bir dəqiqəlik sükutla yad edilib.
 
Qaçaqkənd kənd ərazi dairəsi üzrə nümayəndə çıxış edərək, Qazaxbərəsi kəndi haqqında görüş iştirakçılarına geniş məlumat verib.
 
Çıxışçılar “Xalq –iqtidar birliyi ölkəmizin davamlı inkişafının, müstəqilliyinin və suverenliyinin parlaq təcəssümüdür” mövzusunda iştirakçılara ətraflı məlumat veriblər. Bildirilib ki, Azərbaycanın müasir inkişaf modelinin əsasını xalq ilə iqtidar arasında möhkəm və sarsılmaz birliyin mövcudluğu təşkil edir. Bu birlik milli maraqların müdafiəsində, dövlət müstəqilliyinin qorunmasında və ölkənin sosial-iqtisadi tərəqqisinin təmin olunmasında mühüm rol oynayır. Prezident cənab İlham Əliyevin rəhbərliyi ilə həyata keçirilən islahatlar və strateji qərarlar xalqın geniş dəstəyi ilə daha böyük nəticələrə yol açır. Məhz bu vəhdət Azərbaycana qarşı yönələn təhdidlərin dəf olunmasında və dövlət suverenliyinin tam bərpasında həlledici amil olub. Xalq-iqtidar birliyi Azərbaycan dövlətçiliyinin dayanıqlığını və gələcək inkişaf perspektivlərini təmin edən ən möhkəm təməli olması haqqında iştirakçılara məlumat veriblər.
 
Neftçala Rayon İcra Hakimiyyətinin başçısı Mirhəsən Seyidov çıxışında bildirib ki,  Ulu Öndər Heydər Əliyevin müdrik rəhbərliyi ilə əsası qoyulan xalq-iqtidar birliyi bu gün Prezident cənab İlham Əliyevin uğurlu siyasəti nəticəsində daha da möhkəmlənib, Azərbaycanın inkişafında və güclənməsində həlledici rol oynayıb. Bu birlik milli həmrəyliyimizin təməl daşı, dövlət müstəqilliyimizin və suverenliyimizin əsas təminatıdır. Azərbaycanın müasir dövrdə əldə etdiyi bütün uğurların – iqtisadi inkişafın, sosial rifahın yüksəlməsinin, beynəlxalq nüfuzun artmasının əsasında məhz xalqla dövlətin bu sıx vəhdəti dayanır. Xalq öz liderinə inanır, dövlət isə xalqın maraqlarını daim ön planda tutur. Bu qarşılıqlı etimad sayəsində ölkəmiz son illərdə tarixi nailiyyətlərə imza atıb. Bu birliyin ən parlaq və şanlı təcəssümü 2020-ci ildə – 44 günlük Vətən müharibəsində özünü göstərdi. Müzəffər Ali Baş Komandan, Prezident cənab İlham Əliyevin rəhbərliyi ilə rəşadətli Azərbaycan Ordusu xalqın dəstəyi və mənəvi birliyi fonunda misilsiz qəhrəmanlıq nümunəsi göstərərək ölkəmizin ərazi bütövlüyünü bərpa etdi. Qarabağ zəfəri xalq-iqtidar birliyinin, milli ruhun və müasir Azərbaycan dövlətçiliyinin təntənəsi oldu. Bu gün də ölkəmizin hər bir bölgəsində olduğu kimi, Neftçala rayonunda da bu birlik aydın şəkildə hiss olunur. Rayonda həyata keçirilən sosial-iqtisadi layihələr, infrastrukturun yenilənməsi və əhalinin rifah halının yaxşılaşdırılması istiqamətində görülən işlər dövlətin xalqla birgə, əl-ələ verdiyi möhkəm iradənin göstəricisidir. Əminliklə deyə bilərik ki, xalq-iqtidar birliyi Azərbaycanın gələcək inkişafının, əmin-amanlığının və müstəqil dövlət kimi daim yüksələn xətlə irəliləməsinin təminatçısı olaraq qalacaqdır.
 
RİH-in başçısı, Zəfərlə yekunlaşan 44 günlük Vətən müharibəsindən sonra bölgədə yaranan yeni geosiyasi reallıqlar fonunda Müzəffər Ali Baş Komandan İlham Əliyevin tarixi ədalətin bərpa edilməsi konsepsiyasının davamının məcburi köçkünlərin və qaçqınların Böyük Qayıdışını təmin etmək olduğunu bildirib. O, həmçinin Azərbaycan xalqının milli-mənəvi dəyərlərini və haqqını bərpa etmək missiyasının önəmindən danışıb. Müzəffər Ali Baş Komandan cənab İlham Əliyevin Qərbi Azərbaycan İcmasının üzvləri ilə görüşdə bununla bağlı ciddi tapşırıqlar verdiyini vurğulayıb. Həmçinin, Azərbaycan xalqının haqqının bərpa olunması və Qərbi Azərbaycan İcmasının hüquqlarının beynəlxalq səviyyədə tanıdılması istiqamətində ölkə rəhbərinin sərgilədiyi mövqeyin tarixçilər və hüquqşünaslar üçün ciddi vəzifələr qoyduğunu qeyd edib.
Neftçala RİH-in başçısı, Neftçala rayonunda həyata keçirilən yenidənqurma işləri barədə görüş iştirakçılarına məlumat verib.
 
Səyyar qəbul zamanı vətəndaşlar, şəhid Habil Abuşovun adının əbədiləşdirilməsi, elektrik təchizatının yenilənməsi, Milliön ödəmə və ATM terminalının quraşdırılması, Azərpoçt MMC-in yerli bölməsinin yenidən açılması, sərfəli internet paketlərinin təklif edilməsi, kənd bağçasının yaradılması, şəxsi evinə qaz çəkilməsinə köməklik göstərilməsi və digər məsələlər üzrə müraciətlərini irəli sürüblər. Vətəndaşların müraciətləri ayrı-ayrılıqda dinlənilib, məsələlər müzakirə edilib və həll olunması üçün aidiyyəti üzrə tapşırıqlar verilib.
 
Vətəndaşlar göstərilən yüksək diqqət və qayğıya, həmçinin rayon ərazisində aparılan abadlıq-quruculuq işlərinə görə Azərbaycan Respublikasının Prezidenti cənab İlham Əliyev və Birinci vitse-prezident Mehriban xanım Əliyevaya minnətdarlıqlarını ifadə ediblər.
 
Məlumat üçün bildiririk ki, vətəndaş məmnunluğunu artırmaq və xidmət keyfiyyətinin yaxşılaşdırılmasını təmin etmək məqsədilə vətəndaşlar Neftçala Rayon İcra Hakimiyyəti ilə həm onlayn, həm də yerində görüşlər üçün yaradılan "Rəqəmsal İcra Hakimiyyəti" https://rih.gov.az portalına daxil olaraq müraciət edə bilərlər.