Lökbatan palçıq vulkanında püskürmə qeydə alınıb.

Liderxeber.az xəbər verir ki, bu barədə AMEA nəzdində Respublika Seysmoloji Xidmət Mərkəzi məlumat yayıb.

Bildirilib ki, Mərkəzin palçıq vulkanlarının seysmik monitorinq şəbəkəsi tərəfindən 9 aprel 2025-ci il tarixində, yerli vaxtla saat 4:04-də Lökbatan palçıq vulkanının növbəti püskürməsini qeydə alıb.

Qeyd edilib ki, püskürmə ayrı-ayrı vaxtlarda üç fazada qeydə alınıb. Birinci faza yerli vaxtla 4:04-də, ikinci faza saat 5:20-də, üçüncü faza saat 5:31-də olub.

Püskürmənin davamlılığı üç dəqiqə, dərinliyi 4 km qeydə alınıb.