“Atalanta” UEFA Çempionlar Liqasının 1/8 final mərhələsinin cavab qarşılaşmasında möhtəşəm geri dönüşə imza ataraq növbəti mərhələyə yüksəlib.

Liderxeber.az xəbər verir ki, Almaniyada keçirilən ilk oyunda “Borussiya Dortmund”a 0:2 hesabı ilə məğlub olan İtaliya təmsilçisi öz meydanında rəqibini darmadağın edib.

Gərgin keçən mübarizədə “Atalanta” 4:1 hesablı qələbə qazanaraq iki oyunun nəticəsinə görə (cəmi: 4:3) adını 1/4 finala yazdırıb.

Bununla da “Borussiya Dortmund” turnirlə vidalaşıb, Berqamo təmsilçisi isə Avropanın ən güclü 8 komandası sırasına daxil olmağı bacarıb.