"Ayaks"ın CEO-su Edvin van der Sar vəzifəsindən istefa verib.

LiderXəbər xəbər verir ki, bu barədə klubun saytı məlumat yayıb. Müşahidə şurası ondan avqustun 1-dək rəsmi olaraq vəzifəsində qalmasını istəsə də, o, bundan imtina edib.

“Demək olar ki, 11 il direktorlar şurasında işlədikdən sonra səlahiyyətlərim bitdi. Biz birlikdə böyük yollardan keçdik, lakin bu, həm də inanılmaz dərəcədə çətin bir dövr idi. İstirahət etmək və başqa işlərlə məşğul olmağa ehtiyacım var. Qarşıdakı dövrdə bu böyük klubun gələcəyi ilə bağlı qərarlar vermək mənə yanlış görünür. Buna görə də istefa vermək qərarına gəldim” - deyə 52 yaşlı sabiq qapıçı bildirib.

Van der Sar 2012-ci ilin noyabrından "Ayaks"ın direktorlar şurasında idi. 2016-cı ilin noyabrından sabiq qapıçı klubun baş direktoru olub. Onun Niderland təmsilçisi ilə müqaviləsi 2025-ci ilin iyununa kimi hesablanmışdı.

Xatırladaq ki, Van der Sar futbolçu olduğu dönəmdə 1990-1999-cu illərdə "Ayaks"da oynayıb.