Türkiyənin Hatay vilayətində zəlzələnin 261-ci saatında dağıntılar altında qalan iki nəfər xilas edilib.

Liderxəbər “Anadolu”ya istinadən xəbər verir ki, Hatayın mərkəzi Antakya rayonunda zəlzələnin 261-ci saatında binanın dağıntıları altından 26 yaşlı Mehmet Ali Şakiroğlu və 34 yaşlı Mustafa Avcı xilas edilib.

Sözügedən şəxslər Odabaşı məhəlləsindəki xüsusi xəstəxananın dağıntıları altında qalıblar. Axtarış-xilasetmə qrupu dağıntılar üzərində iş apararkən onların sağ olduğunu müəyyən ediblər.

Qeyd edək ki, fevralın 6-sı səhərə yaxın və ondan 9 saat sonra Türkiyənin 10 vilayətində 7,7 və 7,6 bal gücündə zəlzələ baş verib. Nəticədə, bu saata qədər 38 044 nəfər həlak olub, 108 068 nəfər isə yaralanıb.