İran parlamentinin sədr müavini Əli Nikzad, Tehranın Nüvə Silahlarının Yayılmaması haqqında Müqavilədən (NPT) çıxmaq barədə təklifi nəzərdən keçirəcəyini bildirib.

Liderxeber.az-ın məlumatına görə, bu barədə "Fars" agentliyi xəbər yayıb.

O qeyd edib ki, müqavilədən çıxış layihəsi "həddindən artıq təcili" statusu ilə araşdırılır. Onun sözlərinə görə, sənəd parlamentə daxil olduğu gün dərhal müzakirəyə çıxarılacaq.

Sədr müavini əlavə edib ki, ali qanunverici orqan atılacaq bu addımın beynəlxalq müstəvidə doğuracağı nəticələri də diqqətlə öyrənəcək. Nikzadın sözlərinə görə, İran deputatları Beynəlxalq Atom Enerjisi Agentliyinə (AEBA) və qurumun baş direktoru Rafael Qrossiyə artıq etimad göstərmirlər.

Parlament rəsmisi AEBA rəhbərini İranın nüvə obyektlərinə yalnız "səthi" səfərlər etməkdə və mənfi hesabatlar dərc etməkdə təqsirləndirib.