Çin-Nepal sərhədində daşqın və torpaq sürüşməsi nəticəsində ölənlərin və itkin düşənlərin sayı artıb.

Liderxeber.az xəbər verir ki, bununla bağlı “BBC News” məlumat yayıb.

Bildirilib ki, Nepalda 900 nəfər itkin düşüb, azı 332 nəfər isə həlak olub.

Tibetdə isə itkin düşənlərin sayı 558, həlak olanların sayı isə 3 nəfərdir.

Sərhədin hər iki tərəfində yüzlərlə əcnəbinin də itkin düşdüyü bildirilir. Onlar arasında Hindistandan 178, Nepaldan 127, ABŞ-dən 65 və Böyük Britaniyadan 33 turist var.

Həmçinin onlarla hərbçi və polis əməkdaşının da itkinlər arasında olduğu qeyd olunur.

Məlumat üçün bildirək ki, təbii fəlakət dağdan güclü su kütləsinin Bhote-koşi çayına axmasından sonra baş verib.

***

Nepalda daşqın və torpaq sürüşməsi nəticəsində ölənlərin sayı 359 nəfərə çatıb.