ABŞ-nin Florida ştatındakı "Disney World"də bir ay ərzində beşinci adam ölüb.

Liderxeber.az xəbər verir ki, bu barədə məlumatı "New York Post" yayıb.

Oranc dairəsinin məhkəmə-tibbi ekspertiza ofisinin məlumatına görə, kişi sadəcə yerə yıxılıb, bir neçə dəqiqə sonra onun ölüm faktı qeydə alınıb.

"Hadisə "Disney's Saratoga Springs" kurortunda baş versə də, biz yurisdiksiyadan imtina etdik", - deyə ofisdən bildiriblər. Onlar əlavə ediblər ki, ölümün səbəbini açıqlaya bilməzlər, çünki meyit mərhumun "şəxsi həkiminə" təhvil verilib.

Xatırladaq ki, "Disney World"də müəmmalı ölümlər oktyabrın 14-dən başlayıb. Əvvəlcə 31 yaşlı qadın, bir neçə gün sonra 60 yaşlı kişi, daha sonra isə 28 yaşlı gənc və 40 yaşlı qadın ölü tapılıblar.