Əfqanıstanda anomal soyuq hava şəraiti nəticəsində ən azı 157 nəfər donaraq ölüb.

Bu barədə hakimiyyəti ələ keçirmiş “Taliban” hərəkatı məlumat yayıb.

Bildirilib ki, temperaturun aşağı düşməsi nəticəsində ölənlərin sayı bir həftə ərzində iki dəfə artıb.

Qeyd edək ki, bundan əvvəl BMT-nin Humanitar Məsələlərin Koordinasiyası İdarəsi Əfqanıstanda 565 min insana yardım paylamağa başladığını bildirmişdi.

Xatırladaq ki, Əfqanıstanda son vaxtlar ən soyuq qışlarından biri yaşanır. BMT-nin məlumatına görə, təxminən 30 milyon insanın (əhalinin təxminən üçdə ikisi) yardıma ehtiyacı var.