Son illərdə gözəllik sahəsində kiprik qaynağı və permanent makiyaj xidmətlərinə maraq sürətlə artır. Mütəxəssislər bildirir ki, bu prosedurlar həm vaxta qənaət, həm də daha baxımlı görünüş üçün geniş istifadə olunur.

Kiprik qaynağı üzrə mütəxəssis Zəminə Quliyeva Liderxeber.az-a açıqlamasında bildirdi ki, düzgün seçilmiş material və peşəkar yanaşma həm sağlamlıq, həm də estetik baxımdan əsas şərtdir. Onun fikrincə, hər kəsə uyğun fərdi dizayn seçilməsi müştəri məmnuniyyətində mühüm rol oynayır.

Permanent qaş xidmətləri üzrə mütəxəssis Mətanət Rüstəmova Liderxeber.az-a vurğuladı ki, bu prosedur əsasən qaşlar üçün tətbiq olunsa da, dodaq və göz konturu üçün də istifadə olunur. Onun sözlərinə görə, ən vacib məqam gigiyena qaydalarına riayət olunması və peşəkar yanaşmadır.

Mütəxəssislər vətəndaşlara tövsiyə edir ki, sağlamlıq baxımından risk yaşamamaq üçün bu xidmətləri yalnız təcrübəli ustalara həvalə etsinlər.