Gürcüstanın Baş naziri İrakli Kobaxidze Prezident İlham Əliyevə Gürcüstan və gürcü xalqına göstərdiyi dəstəyə görə təşəkkür edib.

Liderxeber.az-ın yerli bürosunun xəbərinə görə, bu barədə Hökumətin mətbuat xidmətinin məlumatında deyilir.

Məlumatda qeyd olunub ki, İrakli Kobaxidze Prezident İlham Əliyevə və Baş nazir Əli Əsədova səmimi qarşılanmaya və qonaqpərvərliyə görə təşəkkürünü bildirib və Gürcüstan ilə Azərbaycan arasında ikitərəfli münasibətlərin inkişafının vacibliyini vurğulayıb:

“Bizim üçün bu dostluq və münasibətlərin daha da dərinləşməsi son dərəcə vacibdir. Bu, həm bizim, həm də əminəm ki, Azərbaycanın strateji maraqlarına xidmət edir. Bir daha Prezident İlham Əliyevə Gürcüstan və gürcü xalqına göstərdiyi dəstəyə və Gürcüstan-Azərbaycan münasibətlərinin möhkəmləndirilməsinə verdiyi töhfəyə görə təşəkkürümü bildirirəm,” – deyə Baş nazir Kobaxidze qeyd edib.