Naxçıvanda növbədənkənar Azərbaycan Respublikası Prezidenti seçkiləri başlayıb. Artıq səhər saat 08:00-da səsverməyə start verilib.

LiderXəbər-in Naxçıvan bürosu xəbər verir ki, Naxçıvan Muxtar Respublikasında növbədənkənar prezident seçkilərinə böyük hazırlıq işləri görülüb.

Seçki məntəqələrində seçicilərin rahat, sərbəst, şəffaf şəraitdə səs vermələri, müşahidələrin aparılması üçün hər cür şərait yaradılıb.

Növbədənkənar prezident seçkilərində muxtar respublikada fəaliyyət göstərən 6 dairə üzrə 310 məntəqə üzrə ümumilikdə 278 mindən çox seçici qeydə alınıb.

Naxçıvanda seçki dairələri üzrə ən çox seçici sayı 2 saylı Şərur-Kəngərli Seçki Dairəsidir - 47 min 224 nəfər. Həmçinin, Muxtar Respublika üzrə seçki məntəqələrində 35 veb-kamera quraşdırılıb.

Səsvermə saat 19:00-da bitəcək.