Rusiya, Azərbaycan və Ermənistanın xarici işləri nazirləri – Sergey Lavrov, Ceyhun Bayramov və Ararat Mirzoyanın Moskva görüşünün vaxtı açıqlanıb.

LiderXəbər xəbər verir ki, bu barədə Rusiya XİN məlumat yayıb.

Görüş iyulun 25-də baş tutacaq.

Tərəflər Qarabağ ətrafında vəziyyəti və Rusiya, Azərbaycan və Ermənistan liderlərinin 9 noyabr 2020-ci il, 11 yanvar, 26 noyabr 2021-ci il və 31 oktyabr 2022-ci il tarixli üçtərəfli razılaşmalarının icrasının intensivləşdirilməsi yollarını təhlil edəcəklər.

XİN-dən bildirilib ki, görüş zamanı tərəflər Bakı ilə İrəvan arasında sülh müqaviləsinin hazırlanmasına xüsusi diqqət yetirəcəklər.