Təhsil haqqında dövlət sənədlərinin təsvirlərinin və onların verilməsinin qaydaları təsdiqlənib.

Liderxeber.az xəbər verir ki, bununla bağlı Baş nazir Əli Əsədov qərar imzalayıb.

Qaydaya görə, diplom ali təhsil pilləsinin bakalavriat (əsas (baza ali) tibb təhsili), magistratura və rezidentura səviyyələri üzrə təhsilalanlar həmin müəssisəni bitirdikdən sonra 10 iş günü müddətində hazırlanacaq.

Həmçinin diplomalan təhsil haqqında dövlət sənədlərində səhv məlumatlar aşkar etdiyi halda, dərhal elektron kabinetinə daxil olaraq yenidən tərtib edilmiş diplomun verilməsi üçün elektron ərizəni doldurub təsdiq etməlidir.

Ərizəçi mövcud diplomda (və ya diploma əlavədə) səhv göstərilmiş məlumatları ərizədə qeyd etməli və ya bununla bağlı təsdiqedici sənədləri (olduğu halda) elektron kabinetə yükləməlidir. Müraciətə 15 iş günü ərzində baxılır. Mövcud təhsil haqqında dövlət sənədlərində səhv göstərilmiş məlumatlar digər mənbələr (hüquq mühafizə orqanları, işəgötürənlər və s.) tərəfindən aşkar edildiyi halda, həmin mənbələrin bununla bağlı rəsmi müraciətlərinə Elm və Təhsil Nazirliyinin bu sahəyə məsul olan müvafiq qurumu tərəfindən 15 iş günü ərzində baxılacaq.

Həmçinin "Təhsil haqqında dövlət sənədlərinin nümunələri və onların verilməsi Qaydaları"nın təsdiq edilməsi haqqında" Nazirlər Kabinetinin 2010-cu il 29 aprel tarixli 82 nömrəli Qərarı ləğv edilib.