Sərnişinlərin rahatlığını təmin etmək məqsədilə Bakı-Sumqayıt istiqamətində fəaliyyət göstərən 594 nömrəli müntəzəm marşrut xətti üzrə avtobusların sayı artırılıb.

Liderxeber.az xəbər verir ki, yenilənmiş iş qrafikinə əsasən, avtobusların intervalı 7 dəqiqəyə, pik saatlarda isə 3 dəqiqəyə endirilib. Bu dəyişiklik, sərnişin sıxlığını azaltmaq və onların gediş-gəlişini daha sürətli və komfortlu etmək üçün həyata keçirilib.

Bakı-Sumqayıt sərnişin axınının yüksək olduğu nəzərə alınaraq, xidmət səviyyəsinin daha da yüksəldilməsi istiqamətində müvafiq addımlar atılmağa davam ediləcək.