"İqlim dəyişmələrinin ən çox diqqətdənkənar qalan məsələlərindən biri təhsilə təsirlə bağlıdır. Daşqınlar, hava şəraitinin kəskin dəyişməsi uşaqların təhsilinə müəyyən əngəllər yaradır".

Liderxeber.az xəbər verir ki, bunu UNICEF-in Azərbaycandakı nümayəndəsi Saca Faruq Abdullah Azərbaycan Uşaqlarının VI Ümumrespublika Forumunda deyib.

O bildirib ki, gənc qızların təhsilinə erkən yaşda sərmayənin qoyulması vacibdir.

Qonaq qeyd edib ki, planetdə baş verən hadisələr uşaqların gələcəyinə böyük təsir göstərəcək:

"Çünki iqlim dəyişikliyi ilə bağlı xəstəliklərin 88 faizi beş yaşından aşağı uşaqların payına düşür. İqlim problemləri yönündə nəzərdə tutulan maliyyənin isə cəmi 2.4 faizi uşaqlarla bağlı yaranan məsələlərin həllinə ayrılıb".