Bakı metrosunda 10 dəqiqəlik intervalın səbəbi açıqlandı
"Hazırda Bakı metropoliteninin xətlərində hər hansısa bir texniki problem yoxdur.
Yaranan problemin xüsusiyyəti yenə də sərnişin sıxlığından və qatarlara minib-düşmə prosesinin ləngiməsindən, qapıların saxlanması nəticəsində qatarların stansiyanı gec tərk etməsi səbəbindən formalaşıb".
Bu açıqlamanı Liderxeber.az-ın sorğusuna cavab olaraq "Bakı Metropoliten" QSC-nin Mətbuat Xidmətinin rəhbəri Bəxtiyar Məmmədov verib.
O qeyd edib ki, dispetçerlər əsasən tənzimlənməni və interval pozuntularının qarşısını almaq üçün mümkün bütün tədbirləri görürlər.
"İkinci vacib məqam, stansiyada və yaxud tuneldə qatarın normadan artıq dayanmasdır. Qatarın stansiyanı vaxtında tərk edə bilməməsi nəticəsində intervalda da problemlər yaranır. Çünki qatarların xətlərdə hərəkətinə icazə verən sistem müəyyən məsafədən sonra digər qatarın yaxınlaşmasına, hətta maşinist istəsə belə, imkan vermir.
Bu səbəbdən də qeyd olunan gözləmələr yaranır. Hazırda dispetçerlər bu gün daha çox hiss olunan yubanmaların aradan qaldırılması üçün bütün qüvvələrini səfərbər ediblər", - deyə açıqlamada qeyd olunur.
Bakı metropoliteninin işində problem yaranıb.
Bununla bağlı məlumat verilib.
Qeyd olunub ki, "Memar Əcəmi" stansiyasında qatarlar arasında interval 10 dəqiqəni ötüb.
"Qatarlar tuneldə getdiyi qədər də hər platformada dayanır. Hər platformada ən azı 2-3 dəqiqə gözləyirlər", - deyə şikayətdə bildirilir.
