Azərbaycan Baş naziri Əli Əsədov ad günü münasibətilə rusiyalı həmkarı Mixail Mişustinə təbrik məktubu göndərib.

Bu barədə Nazirlər Kabinetindən bildirilib.

Məktubda bildirilib ki, Mixail Mişustinin Azərbaycanla Rusiya arasında ənənəvi dostluq, mehriban qonşuluq və əməkdaşlıq münasibətlərinin inkişafına verdiyi töhfələr qeyd olunub.

Birgə səylərin bundan sonra da Azərbaycan-Rusiya ticari-iqtisadi və investisiya əməkdaşlığının daha da artırılmasına, müxtəlif sahələrdə qarşılıqlı faydalı təşəbbüslərin səmərəli həyata keçirilməsinə kömək edəcəyinə əminlik ifadə olunub.

Konstruktiv dialoqun və sıx birgə işin davam etdirilməsinə ümid ifadə olunub.