Kənd Təsərrüfatı Nazirliyinin Əkinçilik Elmi-Tədqiqat İnstitutunda 17 Noyabr - Milli Dirçəliş Günü münasibəti ilə tədbir keçirilib. 

LiderXəbər xəbər verir ki, tədbirdə ilk öncə Ümummilli lider Heydər Əliyevin və torpaqlarımız uğrunda canını fəda edən bütün şəhidlərimizin ruhu himnimizin sədaları altında 1 dəqiqəlik sükutla yad edilib.

Daha sonra institutun direktoru Faiq Xudayev çıxış edərək tariximizin ən şanlı tarixlərindən biri olan Dirçəliş Gününün mahiyyətindən danışıb və bugünki müasir Azərbaycan Respublikasının yaranmasında Dirçəliş Gününün xüsusi əhəmiyyətindən bəhs edib.

Sonda isə bir sıra əməkdaşların çıxışları dinlənilib. Onlar da öz növbəsində Dirçəliş Günü münasibəti ilə bütün kollektivi təbrik ediblər.