Çinin şimal-şərqində yerləşən Harbin Buz-Qar Dünyası qış mövsümü üçün rəsmi olaraq açılıb. Dünyanın ən böyük buz və qar mövzulu parkı bu il 1,2 milyon kvadratmetr ərazini əhatə edir.

Liderxeber.az xəbər verir ki, parkda 521 metr uzunluğunda buz sürüşkənləri, nəhəng buz heykəllər və 120 metrlik müşahidə çarxı ziyarətçilərin ixtiyarına verilib.

Şərq və Qərb memarlıq üslublarını birləşdirən buz kompozisiyaları böyük maraq doğurur.

“Buz şəhəri” kimi tanınan Harbin ötən qış 90 milyondan çox turist qəbul edib. Rəsmilərin məlumatına görə, buz-qar iqtisadiyyatının həcminin 2030-cu ilə qədər 1,5 trilyon yuana çatması gözlənilir.

Parkda ödəniş və xidmətlər sadələşdirilib, xarici turistlər üçün çoxdilli bələdçi və beynəlxalq bank kartları ilə ödəniş imkanları yaradılıb.