Bu gün ətrafında sıx birləşdiyimiz Yeni Azərbaycan Partiyasının yaranması və yaranma zərurətlərini analiz edərkən bizlər bir daha Ümummilli Lider Heydər Əliyev şəxsiyətinin uzaq hədəflərə hesablanmış siyasi strategiyasının əyani şahidi oluruq. Bilirik ki, YAP təsis edilərkən bir müxalifət partiyası olaraq təsis edilmişdi.

Müqayisə etdikdə görürük ki, YAP-ın yarandığı dövrdə Azərbaycan yenicə müstəqilliyini bərpa etmişdi. O dövrdə siyasi hakimiyyətdə olan qüvvələr nəinki müstəqilliyimizi inkişaf etdirmək, onu qoruyub saxlamaq üçün belə təşəbbüslər irəli sürmürdülər. Bu azmış kimi vəzifə mübarizəsi, hərc-mərclik, xaos hüquqi torpaqlarımızın mənfur qonşularımız tərəfindən işğalını sürətləndirirdi. Xalqın yeganə ümid, pənah yeri hər zaman xalqının yanında olan, Sovetlər dönəmində belə ağır siyasi rejimin kaprizlərinə rəğmən öz doğma xalqının rifahının yüksəldilməsinə çalışan, ölkəsinin iqtisadi cəhətdən inkişafını düşünən və qarşıya qoyduğu məqsədləri icra etmək üçün əlindən gələni əsirgəməyən Ulu Öndər Heydər Əliyev oldu.1992-ci ilin oktyabr ayında bir qurup Azərbaycan ziyalısı Ulu Öndər, Azərbaycanımızın xilaskarı Heydər Əlirza oğlu Əliyevdən xalqı bu gərgin durumdan, dövlətimizi bataqlıqdan xilas etmək üçün bir siyasi partiyanın - Yeni Azərbaycan Partiyası adlanacaq siyasi təsisatın yaradılması naminə onların təklifini qəbul etmək üçün Naxçıvana yollandı. Ulu Öndər Heydər Əliyev həmin ziyalıları qəbul edərək xalqı bu bəladan qurtarmaq üçün, gələcək inkişaf strategiyamızın təməli olan Yeni Azərbaycan Partiyasının yaradılmasına HƏ dedi və 1992-ci il noyabr ayının 21-də Heydər Əliyevin sədrliyi ilə YAP-ın təsis konfransı keçirildi. Yeni Azərbaycan Partiyası təsis edilərkən ölkədə vəziyyət çox acınacaqlı idi və YAP müxalifət partiyası idi. Tarixi faktlara istinad etsək deyə bilərik ki, YAP-in yarandığı tarixi günlərdə Azərbaycanın gələcəyi o qədər də parlaq görünmürdü. Ölkədə cəmiyyətimizin bütün sahələrində geriləmə, regionlarda separatizm meylləri, ictimai-siyasi sahədə anarxiya və çəkişmələr müşahidə olunurdu. Yeni Azərbaycan Partiyasının təsis edilməsi sözün əsl mənasında Azərbaycanı bütün bu bəlalardan xilas elədi.

Gərgin anları geridə qoyan və bütün maneələri aradan qaldıran Ulu Öndər Heydər Əliyevin 1993-cü il iyun ayının 15-də xalqın təkidli tələbi ilə ikinci dəfə siyasi hakimiyyətə qayıdışı ilə respublikamız uğurlu inkişaf yoluna qədəm qoydu. İlk öncə ölkədə ictimai-siyasi sabitlik bərqərar edilidi. Ermənistan-Azərbaycan müharibəsində sülhün əldə olunması və problemin tez bir zamanda aradan qaldırılması məqsədilə atəşkəs razılığı əldə edildi. Heydər Əliyevin hakimiyyəti qayıdışı Azərbaycana sülh, sabitlik, dirçəliş, iqtisadi inkişaf gətirdi. Cəmiyyətimizdə Yeni Azərbaycan Partiyasına və onun sədri, Ölkə başçısı, Umummilli Lider Heydər Əliyevə böyük ümüdlər və əminlik hissləri yarandı. Bax bu idi xalqın istəyi, bu idi Yeni Azərbaycan Partiyasının nizamnaməsində öz əksini tapan müddəaların amalı. Bələ də oldu. Azərbaycan həqiqətən də bu gün regionun süper güc dövlətinə çevrilib. Yeni Azərbaycan Partiyası bu gün  Ümummilli Lider Heydər Əliyev ideyalarını uğurla davam etdirən Müzəffər Prezident cənab İlham Əliyevin rəhbərliyi ilə Cənubi Qafqaz regionunda ən böyük siyasi partiyaya çevrilib. 

Şəfəq Balaşova;
Neftçala rayonu