Ağdam və Ağdərə rayonlarında GÜCLÜ YANĞIN bir neçə kəndi əhatə edib
Ağdam və Ağdərə rayonları ərazisində baş verən yanğınlar davam edir. Bir çox hissələrdə yanğının qarşısı alınsa da, mürəkkəb coğrafi relyefdə baş verən yanğınlar hələ də alovlanır.
Liderxeber.az xəbər verir ki, əraziyə Ağdamla yanaşı, Xocalı və Ağdərə rayonlarından yanğınsöndürmə briqadaları, texnika və şəxsi heyət cəlb olunub.
Yanğın həmin rayonlarda bir neçə kəndi əhatə edib.
Ağdam və Ağdərə rayonlarında geniş ərazilərdə yanğın baş verib.
Liderxeber.az xəbər verir ki, Ağdamın Əlağalı, Qaralar, Qazançı kəndlərində başlayan yanğın Ağdərənin Sırxavənd kəndinə qədər yayılıb.
Kol bitkiləri və quru ot örtüyünün yanması nəticəsində alov daha da geniş ərazilərə doğru irəliləyib.
Hazırda yanğının söndürülməsi üçün Fövqəladə Hallar Nazirliyinin (FHN) Ağdamdan iki yanğınsöndürən maşını və işçi qüvvələri, Xocalı və Ağdərədən hər birindən bir maşın və işçi qüvvə cəlb olunub.
Yanğın baş verən ərazilərdə ardıcıl olaraq üç dəfə mina partlayışı baş verib. Ərazinin dağlıq relyefi olduğu üçün ümumilikdə 50 nəfər şəxsi heyət xüsusi vasitələrlə yanğının meşə ərazisinə keçməsinin qarşısını almağa çalışırlar.
