Noyabrın 9-da Ağdaş rayonunda “Heyva festivalı” keçiriləcək.

Artıq festivalın geniş şəkildə keçirilməsi ilə bağlı hazırlıq işlərinə başlanılıb.

Ağdaş Rayon İcra Hakimiyyətinin başçısı Orxan Hüseynzadənin rəhbərliyi ilə keçirilən iclasda festivalın yüksək səviyyədə təşkili və keçirilməsi ilə bağlı məsələlər ətraflı müzakirə olunub.

Qeyd edilib ki, festivalın keçirilməsi rayonun turizm potensialının tanıdılmasına, yerli sahibkarların məhsullarının geniş ictimaiyyətə təqdim olunmasına və bölgənin sosial-iqtisadi inkişafına töhfə verəcək.

İclasda tədbirin proqramı, iştirakçıların sayı, ticarət-sərgi yarmarkasının təşkili, konsert proqramı, milli mətbəx nümunələrinin təqdimatı, dekorasiya və logistika işləri ilə bağlı aidiyyəti qurumların qarşısında konkret vəzifələr qoyulub.

Qeyd edək ki, “Heyva festivalı” ilə bağlı ən son yeniliklər, xəbərlər və ətraflı məlumatlar heyvafest.az saytında mütəmadi olaraq təqdim olunacaq.