Azərbaycan təmsilçisi "Mingəçevir reqatası-2024"də qızıl medal qazanıb
Azərbaycan təmsilçisi Amil Ramazanov "Mingəçevir reqatası-2024"də qızıl medal qazanıb.
Liderxeber.az xəbər verir ki, o, 2006-2007 təvəllüdlü idmançıların mübarizəsində 500 metr məsafəyə akademik avarçəkmə növündə birinci olub.
Ramazanov məsafəni 2 dəqiqə, 4.88 saniyəyə qət edib.
Bu növdə eyni məsafəyə 2008-2009 təvəllüdlü idmançılardan Əlimurad Hacızadə gümüş, 2008-2009 təvəllüdlülərdən Niyaz Məlikov - Elvin Əliyev cütü bürünc mükafat əldə edib.
Bu gün akademik avarçəkmə, kayak və kanoe üzrə beynəlxalq "Mingəçevir reqatası-2024"ə start veriləcək.
Liderxeber.az xəbər verir ki, turnir Mingəçevirdə "Kür" Olimpiya Tədris-İdman Mərkəzində başlayacaq.
Yarışda 12 ölkədən 100-dək idmançı mübarizə aparacaq. Füzuli şəhərinin işğaldan azad olunması günü ilə əlaqədar oktyabrın 17-də Füzulidə Aşağı Köndələnçay su anbarında reqatanın rəsmi açılış mərasimi baş tutacaq.
Qeyd edək ki, oktyabrın 18-də Mingəçevirdə "Kür" Olimpiya Tədris-İdman Mərkəzində final yarışları və bağlanış mərasimi keçiriləcək.
