Bu barədə "Sabah" klubunun baş məşqçisi Vasili Berezutski ÇSKA-nın Moskvada UEFA kubokunda qazandığı qələbənin 20-ci ildönümü şərəfinə keçirilən oyundan sonra Rusiya mediasına açıqlama verib.

Liderxeber.az xəbər verir ki, yoldaşlıq görüşündə iştirak edən Berezutski ÇSKA-nı çalışdıracağı ilə bağlı yayılan xəbərləri yalanlayıb.

"Sabah"da mənim üçün hər şey yaxşıdır, indi bir tur və kubokun finalı var. CSKA-nın baş məşqçisi? Mən gələcəyə baxa bilmirəm, bu dünyada hər şey mümkündür. Nikoliç məni ÇSKA-da işləməyə dəvət etməyib", - deyə V.Berezutski qeyd edib.

Qeyd edək ki, Vasili Berezutski 2024-cü il noyabrın 25-dən "Sabah"a rəhbərlik edir və onunla 2.5 illik müqavilə imzalanıb.