Rusiyada həkimlər təhlükəli beyin xəstəliklərini aşkar etmək üçün süni intellektin dəstəyindən istifadə edəcək.

Liderxeber.az-ın TASS-a istinadla verdiyi məlumata görə, bu barədə Rusiyanın "Rostex" dövlət korporasiyası xəbər verib.

Bildirilir ki, şirkətin texnoloji tərəfdaşı "NtechLab"la birlikdə hazırlanmış alqoritm həkimlərə başın MRT şəkillərini dağınıq skleroz əlamətləri üçün təhlil etməyə kömək edəcək.

"Onun köməyi ilə həkimlər tədqiqatları birbaşa internetə yükləyərək süni intellektin diaqnostik dəstəyini ala bilərlər. Tədqiqatın nəticələrinə əsasən, süni intellekt həkimin razılaşa və ya düzəliş edə biləcəyi fərziyyələr təklif edəcək. Diaqnoz haqqında məsuliyyət və qərar qəbulu həkimdə qalacaq", - deyə məlumatda qeyd olunur.

Platformanın 2024-cü ilin oktyabr ayının əvvəlindən pilot rejimdə işlədiyi vurğulanıb.

"Yaxın vaxtlarda platformaya beyinin MRT şəkilləri əsasında yeni törəmələrin diaqnostikası və adi ölçmələrin aparılması üçün "NtechLab" həllərinin inteqrasiyası planlaşdırılır. Platformada yerləşdirilmiş digər 12 süni intellekt xidmətinin köməyi ilə həkimlər döş qəfəsi, onurğa, sümüklər, oynaqlar, kəllə, beyin, süd vəzi və dərinin fotoları daxil olmaqla müxtəlif tibbi görüntülərdə mümkün patologiya əlamətlərini aşkar edə bilərlər", - deyə elm adamları bildiriblər.