İsrailin hazırkı Baş naziri Benyamin Netanyahunun sosial şəbəkə hesabına qarşı kiberhücum həyata keçirilib.
Liderxeber.az xəbər verir ki, kibercinayətkarlar Netanyahunun “X” hesabına hücum edərək 2013-cü ilin fevralında paylaşılan postun məzmununda dəyişiklik edib.
Belə ki, paylaşımın orijinalında İsrail hökumət başçısının Bolqarıstanın o dövrdəki Baş naziri Boyko Borissovla danışıqlarında bəhs edilir.
Hazırda isə həmin postda “Skibidi Toilet” animasiyasından bir hissəni görmək mümkündür.
Bununla yanaşı, sosial şəbəkələrdə oxşar kiberhücumların ABŞ Prezidenti Donald Trampın, eləcə də xarici şirkətlərin hesablarına qarşı edildiyinə dair görüntülər paylaşılıb.


